اتهامات جدید علیه عباس لیسانی فعال ترک آذربایجانی

در حالی که ۱۵ ماه از اعتراضات خرداد ۸۵ آذربایجان می گذرد و عباس لیسانی فعال ترک در حال گذراندن محکومیت خویش است نیروی انتظامی اردبیل با طرح اتهامات جديد بر ميزان اتهامات این فعال حرکت ملی آذربایجان افزود....

Abbas Lisaniyə qarşı yeni ittiham irəli sürülüb

İran türklərinin hüquqları uğrunda hərəkatın liderlərindən biri Abbas Lisaniyə qarşı yeni ittiham irəli sürülüb

Ərdəbil İnqilab Məhkəməsində İran hüquq-mühafizə orqanlarının şikayətinə əsasən başlanacaq işlə bağlı hazırlıq iclası avqustun 25-də keçiriləcək 

Həbsxanada Abbas Lisaninin müalicəsinə imkan verilmir

İran türklərinin hüquqları uğrunda hərəkatın liderlərindən biri Abbas Lisaninin iyunun 21-də sınan ayağının müalicəsinə imkan verilmir. A. Lisaninin həyat yoldaşı Ruqəyya Lisani APA-ya açıqlamasında həbsxana rəhbərliyi tərəfindən ona qarşı qərəzli münasibət nümayiş etdirildiyini bildirib: “Abbasın ayağının sınmasından bizim yalnız iki gün sonra xəbərimiz olub və onun müalicəsini öz üzərimə götürməyimizlə bağlı həbsxana rəhbərliyinə müraciət etmişik. Abbas 10 nəfər həbsxana nəzarətçisi ilə evə gətirildi və həkim burada ona lazım olan yardımı göstərdi. Məlum səbəbdən hər gün nəzarət etmək imkanımız yoxdur. Həbsxanada isə laqeyd münasibət göstərilir. Bir həftə öncə ayağının sarğısı açılmalı olduğu halda, bu edilmir və həbsxananın tibb məntəqəsinə də köçürülmür. Ayağının sarğısının açılması üçün mülki xəstəxanaya aparmaq məcburiyyətindəyik. Həbsxana rəhbərliyi bunun üçün də şərait yaratmır”. O, məsələ ilə əlaqədar həbsxana rəhbərliyinə müraciət etdiklərini də vurğulayıb.

Qeyd edək ki, A. Lisani 2006-cı ilin may-iyun hadisələrindən sonra aksiyaların təşkil olunmasında təqsirli bilinərək saxlanılıb və məhkəmənin qərarı ilə 1 il 6 ay müddətinə azadlıqdan məhrum edilib. Mayın 16-da Təbriz Şəhər Məhkəməsində keçirilən prosesdə A. Lisani 2006-cı ildə Bəzz qalasına yürüşün təşkilində ittiham olunub. İyunun 21-də isə həbsxanada qeyri-müəyyən şəraitdə ayağı sınıb.